獲視后老婆讚演得好 羅子溢開心有代表作
羅子溢、陳自瑤、黎諾懿與賴慰玲等昨日出席無綫劇《婚後事》的宣傳活動，對於劇集以不同視角講述婚姻問題贏盡觀眾口碑，子溢開心說：「收到余安安、黃日華、張繼聰Send短訊鼓勵好開心，十幾年嚟第一次有一個角色係受到觀眾同埋同行認同。」更指老婆楊茜堯給了他10字真言：「佢拍緊劇，只係睇咗頭30分鐘，佢留低咗10字真言話『我知你點做，做得好，有機』，跟住就去瞓覺。佢係視后級，佢都話得，我就變咗有信心。」問到可有信心做視帝？他笑言若能與黎耀祥、陳豪等角逐已開心。提到劇集贏口碑但收視一般，他說：「聽監製講，尋日最新收視已經升番好多。」
另外，《婚》劇片尾曲《阿拉斯加海灣》遭馬來西亞原唱者質疑版權問題，監製林肯表示前年8月製作時已向版權及發行公司取得授權，他希望與原唱者溝通，但要先由發行商聯繫，並理解網民出於保護喜歡歌手的反應。
