列拿特單核挫快艇 公鹿大勇6連勝
自全明星周末後的公鹿，表現脫胎換骨，即使昨晨在兩屆MVP「字母哥」安迪杜甘普缺陣之下，只靠「手錶王」列拿特單核出擊，一樣能將星光熠熠的快艇打敗，更寫下6連勝佳績。賽後列拿特大讚公鹿大軍已經開始成形，似已做好衝擊冠軍的準備。
公鹿主場出擊，但在「字母哥」與米杜頓兩大主力缺陣下，於第三節剩餘1分鐘時，仍落後13分之多，但末節公鹿發揮凌厲後勁，在最後5分鐘打出一段23:10攻勢，成功反勝113:106，自明星賽周末後6戰全勝，為頭10仗領軍只得3勝7負的主帥李華士，贏回球迷支持。
列拿特今次擔起大旗，全場22投12中，罰球13射全中，共入41分，加上4籃板4助攻，成為贏波功臣。他賽後表示：「賽前我哋冇人去提及邊個唔打得，只係研究好球探報告同傾吓點去贏場波，我諗呢個就係我哋想有、開始去成為一支真正團隊應有嘅水準。」公鹿賽後以41勝21負續居東岸次席，之後將會迎來4連客，接受真正的考驗。
