判決出錯 森林枉輸利物浦？
今季英超同樣是有關球證的爭議不斷，最新出現在前晚利物浦作客絕殺1:0險勝諾定咸森林。賽後森林班主馬連拿基斯甚至激動得殺落球員通道與球證爭拗，或面臨英格蘭足總追究；同時，森林的球證分析師卡頓保則肯定指出執法球證泰亞尼尾段犯錯，是森林敗陣元兇，表明稍後會向球證公司及英超賽會提出質詢。
「紅軍」昨仗憑達雲紐尼斯在補時9分鐘近門頭槌建功絕殺贏波，之前亦是英超球證的卡頓保如今各為其主，今次為森林提出質疑，指出入球出現前的一分多鐘，球證因為利物浦後衛伊巴希馬干拿迪頭部受傷，吹停了比賽，而當時球權本身屬於森林，重開時應將皮球給回主隊，而非交予「紅軍」開波，之後再出現了絕殺球。
卡頓保說：「球例好清楚，如果個波係禁區外，我哋就可以要番個球權，對手要企開一米。我哋班主唔開心，係因為投資好多錢，想有結果，而判決係對我哋唔妥！」卡頓保指泰亞尼甚至不准他入球證室商討。
