帶囡囡幼稚園面試 周柏豪緊張過開騷
周柏豪、鄭融、黎諾懿、郭佩文與姜依宁（Jenny）等前晚出席《仁濟醫院周年慈善餐舞會2024》，久未在港公開露面的柏豪表演後被現場人士爭相「集郵」，非常受歡迎。他透露4月將展開內地巡唱，香港則最快要待明年。他笑言現時忙帶女兒到幼稚園面試，雖未有因為藝人身份被刁難或有着數，但試過帶女兒面試時緊張到肚痛，又指有朋友提醒他不要陪小朋友面試，因小朋友必定喊：「果然俾佢講中，壓力大過開演唱會。」
諾懿於新劇《婚後事》的露股戲引起熱話，他表示有信心劇集收視上升，不過失望說：「我啱啱問Jenny有冇睇劇，佢反問我有新劇出咩？聽到我好傷心，佢仲話鍾意我喎！」
