與張曦雯互摑打到臉腫要敷冰 黃智雯米蘭機場遭女賊偷利是袋
香港文匯報訊（記者 梁靜儀）無綫新劇《再見·枕邊人》昨日於油塘舉行宣傳活動，除了馬德鐘、張曦雯及羅天宇及鄭俊弘等出席外，已離巢的黃智雯（Mandy）亦有現身幫手宣傳，獲一班粉絲撐場 ，眾人又玩遊戲及向現場觀眾大派鮮花。Mandy期待新劇播出，自言與張曦雯互摑戲份打到臉腫要敷冰，透露米蘭機場遇女賊被偷四位數利是。
台上一眾演員分享拍攝感受，張曦雯表示跟馬德鐘今次已是第三度合作，已有一定的默契，她笑說：「佢睇住我長大，好清楚我嘅優點及缺點，因為我平時係比較平靜，今次演出需要有好大起伏。」馬德鐘讚她演技進步，尤其演出瘋狂一面，更帶來驚喜。
張曦雯首演奸角好享受
張曦雯受訪時表示首次挑戰奸角及後母，她笑言好享受：「雖然劇本寫我好似反派咁，但我根本唔係第三者，因為黃智雯明明死咗，只係無啦啦翻生，應該佢係第三者，因為劇本寫得好，自己都有少少不擇手段，平時又好少鬧人，所以演起嚟都投入得到，但我真係唔覺得我係奸角。」她又笑言希望給觀眾鬧，越鬧越好，即是觀眾都好投入睇，我自己平時都很喜歡睇奸角，希望大家憎她。
劇中她與黃智雯有場互相掌摑戲份，張曦雯笑說：「你哋睇完都知我唔嘢小，有場我同Mandy互摑，都拍咗好多Take，因為要拍唔同角度，我拍前都有練點打，有時唔夠力去打又唔似，所以都叫佢狠狠打落去，好投入，劇中都有講我哋摑到有掌印喺面。」
已約滿離巢的Mandy表示上一套劇集已是一年前，自己都好期待新劇播出，如果能抽到時間都會盡量出席宣傳活動。談到劇中與張曦雯互摑一幕，她謂現實中未試過打人，所以拍之前都好緊張：「我怕摑痛同整花對方個妝，所以事前都有練習，摑十巴八巴都一定喇，長痛不如短痛，用力摑就可以，不過拍完返到屋企才發覺腫腫哋，都要敷冰。」
馬德鐘左右逢源不輕鬆
剛由米蘭時裝周回港的Mandy， 透露此行被女小偷偷去四位數利是：「臨趁上機前我同助手去拍片影相打卡， 自己一時鬆懈就被人偷晒利是，大概四位數字，當時我揸機拍視頻，唔夠5分鐘已經被偷咗裝利是個袋，好彩我啲證件就擺另一個袋，但因為我拍緊視頻，所以個賊個樣同被偷過程都影低咗，但因為現場太多人，都搵唔返個賊，只知大概三十幾歲嘅女人，算係不幸中之大幸。」她自責都是自己大懵之過， 因出發之前已經有很多人叮囑她要小心財物，自己有少少陰影，唯有當買個教訓。
馬德鐘被指在劇中好艷福，在兩女之間左右逢源，他笑說：「都好辛苦，唔係咁易，奉勸男士唔好試。」他又指劇中角色很無辜，經常被身邊女人鬧，又要應付上山下海的動作戲，一點都不輕鬆。
