首來港辦粉絲見面會徐穗珍笑言想收利是
香港文匯報訊（記者 子棠）韓星徐穗珍（Soojin）以Solo歌手身份於去年11月出道，憑新歌《AGASSY》迅速獲得千萬點擊，並乘勢於3月15日首度在港舉行粉絲見面會《2024 SOOJIN 1ST FAN CONCERT TOUR 'Flowering' in Hong Kong》。對此，Soojin也大感期待，正努力學廣東話：「我現在努力學廣東話，希望大家到時聽得明我講咩！我𠵱家識『我愛你』、『好可愛』呢兩句，歡迎大家多啲同我講。」
是次訪港除了與Fans「約會」外，Soojin更坦言會秘密出巡搵靚景打卡：「我知道香港夜景好靚，所以好想出去影相打卡，希望到時可以偶遇粉絲們！呢次行程都好緊湊，完成澳洲站就要嚟香港，所以𠵱家同經理人爭取留多幾日畀我喺香港放假。」
剛剛度過農曆新年，Soojin表示希望有機會參與其中：「上網學廣東話時，睇到好多『新年』嘅相片，原來香港過年咁熱鬧，有機會都想親身感受一下！」Soojin亦得知香港派利是傳統與韓國不同，笑說：「我好多年冇收過利是，希望粉絲們『派利是』，用利是錢買飛支持我嘅Fan Concert，等我到時派番福利畀大家！」
