曼城辛「盧」捱「細」界
賽程緊密 各有顧忌
英足盃第5圈（16強）只有3場全英超對決戲碼，今晚先演盧頓主場對曼城。曼城一向重視英足盃，今屆以衛冕身份參戰，當然不會放軟手腳。不過主帥哥迪奧拿投訴賽程前所未有緊密，即使有心爭盃亦要就兵源作出適度分配，今仗會輪換主力，遇上要分心護級的盧頓，相信難開入球騷。投注首選[3/3.5]細盤。（無綫myTV Super App周三4:00am直播）
曼城貴為上季三冠王，哥迪奧拿與一眾戰將都聲言要衛冕所有冠軍。球隊向來對英足盃重視，過去5屆全入四強，並曾兩度捧盃。不過今仗賽前，哥迪奧拿抱怨賽程已經「爆燈」：「今季我們去了沙特踢世冠盃，為英超贏得榮譽，但現在卻要付出代價。每星期兩場不同賽事令人透不過氣，當其他球隊休息時，我們在今仗前3天才踢因世冠盃改期的英超補賽，然後下周又繼續一周雙賽，簡直將我的球員當成了超人 ！開季至今，我們已經踢了40場正式賽事，能不倦嗎？」
曼城3日前英超補賽苦戰下小勝般尼茅夫，4日後又將迎來曼徹斯特打吡，之後再應付歐聯16強次回合，然後作客利物浦的英超爭霸關鍵戰緊接而來。哥帥坦言今晚有需要輪換，包括狀態最好的王牌球員菲爾科頓等會得到輪休，球隊近兩場英超已經開始就住踢，連續兩場贏1:0，今晚亦不會以大勝為目標。
盧頓更重視連場護級戰
盧頓近期陣上精神面貌及表現獲一定好評，但現階段首要目標當然是護級。球隊仍然排聯賽榜尾三位置，但護級形勢見到希望，現時拋離榜尾兩弱達7分外，只落後尾四諾定咸森林4分並少賽一場。今場英足盃後4天，就會主場迎戰阿士東維拉，之後緊接遇上兩支護級對手水晶宮及般尼茅夫。今晚主場遇強會先求穩，避免大敗保持士氣，再按形勢博偷雞。
