韋斯咸賓福特「和」味濃
落難兄弟求止蝕
英超第26輪最後一戰，韋斯咸主場對賓福特。兩軍踏入2024同病相憐，韋斯咸各項賽事8戰4和4負，今年仍未開齋，聯賽榜已跌至第9位；賓福特近5戰4敗，更已淪落至15位。兩軍目前戰鬥力相當接近，難兄難弟預期首要目標是停止頹勢，建議博歷來交鋒首次和波。（NOW 621台周二4:00am直播）
韋斯咸開季起表現及成績一直相當出色，除了聯賽力爭上游處於歐戰區外，更於倫敦打吡屢克強敵。英超贏過車路士、熱刺，更於英聯盃及英超兩勝阿仙奴。歐霸盃亦成功以小組首名晉身16強。不過聖誕後贏完阿仙奴，一踏入今年即時大崩潰，足總盃兩戰甲組仔布里斯托城不勝更被踢出局，英超更越踢越曳，近期遭逢3連敗共失11球零入球，當中次循環被阿仙奴復仇狂炒6蛋打擊最大。今仗即使主場踢另一場倫敦打吡，料亦不敢過於急進，畢竟首循環大勇時期作客亦2:3不敵賓福特，以目前狀態肯定要以穩為先。「錘仔幫」中場重心盧卡斯柏基達雖告復操，但預期仍未夠狀態復出，歇冬期由曼城借入的加雲菲臘斯上仗對森林被逐要停賽。
「蜜蜂兵團」往績佳但傷兵多
「蜜蜂兵團」賓福特同樣連戰皆北，雖然屢敗大都負於強手，但畢竟作客弱項（12戰8負），加上傷兵滿營，守將域高亨利、艾朗希基、賓諾克、中場祖舒亞達施華、前鋒麥比奧莫、奇雲舒哈迪等最少6將因傷缺陣，前線艾雲東尼攻堅火力雖強，但防線脆弱有後顧之憂。即使過去對韋斯咸往績佔盡上風（正式賽事6戰5勝1負），不過對賽過程亦多數十分緊湊。今仗屬互無把握之戰，賽和是雙方都可以接受賽果，有好分頭值得一博。
