世界級沙卡 爭氣顯身價
入靚波反駁費迪南批評
真是同人唔同命！上星期被英格蘭曼聯名宿里奧費迪南寸爆狠批未達世界級的阿仙奴超新星布卡約沙卡，昨晨又憑一記「世界波」帶領「兵工廠」以4:1大炒紐卡素，實現英超6連勝。賽後沙卡受訪被問到是否已是世界級球星？這位22歲神翼只笑言：「無意見！」另邊廂，以天價8,800萬鎊身價加盟曼聯的翼鋒安東尼，今季表現令人失望，甚至淪為大後備，「紅魔」主帥坦哈格提醒愛徒必須爭氣，否則難有前景。
阿仙奴昨仗主場迎戰紐卡素，憑對手烏龍波在18分鐘先開紀錄，之後再有夏維斯、沙卡及積及基奧柯各入一球，終以4:1大炒僅靠祖爾韋洛克破蛋的客軍。賽後阿仙奴以26戰58分續居聯賽榜季席，落後「一哥」利物浦2分。
近期腳風大順的沙卡，早前更成為阿仙奴隊史最年輕攻入50球球員，但他上周卻受到里奧費迪南在節目中批評說：「唔好誤會，我覺得沙卡係掂，但唔係世界級囉。佢喺歐聯有冇佳作先？」就在昨仗賽後，射入了一記窄位世界波的沙卡受訪時被主持祖利絲問到：「呢個入波，有人會話係世界級啦！」沙卡面帶笑容只簡單回應：「無意見！」沙卡之後補充讚賞隊友都有功勞，而近期表現出色，源於自己在操練中非常落力。
不受重用 安東尼前路難行
另邊廂，以天價加盟曼聯的安東尼，曾經被認定是世界級的新血，會是「紅魔鬼」救星，但昨仗曼聯主場以1:2不敵富咸，近15年來首次被富咸擊敗，主帥坦哈格在這場賽事中，寧願起用19歲小將科臣出任正選右中場之位，也不願派上安東尼出戰。即使科臣表現平平，下半場初段被換走，也只是由基斯甸艾歷臣入替，最終安東尼僅在補時9分鐘才被派上陣。。
對於未有派安東尼擔正，主帥坦哈格解釋：「唔關體能事，佢冇問題，但右中場位有好多選擇，安東尼嘅狀態大家都知，佢必須要爭氣。我喺訓練中見到阿密特迪亞路同加拿祖都更值得上陣。」與沙卡相比固然是天與地，但就連小將地位都及不上，安東尼在奧脫福的日子似乎已進入倒數階段吧！
