黃智雯獲邀赴米蘭時裝周睇騷
香港文匯報訊（記者 子棠）黃智雯（Mandy）獲時尚品牌邀請到意大利出席時裝騷，其間先後出席兩個品牌的時裝騷。首次到米蘭睇騷的Mandy坦言未出發先興奮，不過最叫她興奮的竟然不是當地的名牌包包及飾物，而是當地美食。
Mandy欣賞的時裝騷分別於意大利國家級圖書館及博物館舉行，滿滿的文藝學術氣息，令她非常享受和榮幸：「之前去過紐約出席fashion week，但意大利嘅fashion week就係第一次去，今次可以睇靚衫之餘，我希望可以觀光吓，周圍打卡影靚相。」曾到米蘭旅遊的Mandy對當地留有美好印象：「本身好鍾意意大利呢個地方，之前有一次去意大利旅行，係自駕遊，遊覽咗好多小鎮，食咗好多美食，所以對當地印象好好。」
縱使今趟旅程天公不作美，連日陰天雨濕，天氣嚴寒，但無損Mandy的心情，她更冒寒風走到街上大玩街拍：「上次到米蘭旅遊係晴天，今次就連日都陰天濕凍，感覺係另一番風味，始終咁難得嚟到米蘭，無論咩天氣當然要街拍。」
不少女士都渴望到意大利「朝聖」可以掃名牌包包及飾物，不過Mandy卻自言沒有購買名牌包包的意慾，反而渴望一嘗當地美食：「雖然今次來去匆匆，但出發前，我已經搜尋咗好多當地著名餐廳及美食，我想食到好嘅食物多過買好多包包、飾物等返嚟。」今次未有與老公一起出遊的她又風趣道：「新年後大家都要工作，我亦要趕回香港宣傳新劇，我唔係爛玩嘅人，工作時會專注工作。」
