陳家樂連詩雅元宵節報喜 將迎龍B 視為2024最大禮物
香港文匯報訊（記者 子棠）陳家樂和連詩雅（Shiga）去年4月結婚，不足一年已造人成功，昨日趁人月兩團圓的元宵節公布喜訊，夏天將迎來龍B榮升父母。
Shiga在社交網貼出「一家三口」合照，相中身穿吊帶貼身長裙的Shiga已經見肚，家樂就甜蜜輕撫着愛妻隆起的腹部，滿載迎接小生命來臨的喜悅。Shiga附文留言：「一直都係處於平常心，同埋順其自然嘅態度，等待上天嘅安排。2024收到一份最好嘅禮物，好感動、感恩、期待Summer BB嘅來臨，祝大家元宵節快樂！」Shiga還表示家庭又變大了，有點不可思議的感覺，仲有點緊張將會做父母，並爆出老公的期望：「仔女都好都要培養佢鍾意曼聯。」
即將榮升媽咪的Shiga再向傳媒表示：「好開心終於可以同大家公布呢個喜訊，我哋一直抱着平常心等待上天嘅安排，嚟到2024居然收到呢份最大嘅禮物，知道一刻，好開心興奮同時好緊張，希望一切順利，寶寶今個暑假平安健康嚟到同我哋見面。」Shiga再祝福大家龍年心想事成、開開心心！
