穿底褲通街跑壓力大 黃智賢要操fit身形 高海寧耍雙刀望洗脫「豆腐Ling」
香港文匯報訊（記者 梁靜儀）高海寧（高Ling）、黃智賢（Ben）、周嘉洛、謝嘉怡、吳偉豪、游嘉欣、江嘉敏、鄺潔楹及林景程等，昨日到將軍澳電視城出席新劇《武林》造型暨拜神儀式，其中以吳偉豪的交通督導員及吳子聰的金色長髮最突出。高Ling耍雙刀望洗脫「豆腐Ling」個名，升級做「炸豆腐」；黃智賢會有場只穿條底褲的祼跑戲，心理壓力大，一直要keep fit 。
高Ling與Ben在劇中飾演前度關係，又愛又恨相當複雜，二人更是武林高手，一個擅長雙刀，一個擅長拳腳。高Ling表示其角色是一名美容師，幫女士還原靚靚，同時她亦是隱世高手，故此去年10月開始上堂練武，她笑言希望能洗脫「豆腐Ling」個名，今次升級做「炸豆腐」，她說：「因為我本身好易受傷， 初時要耍豬肉刀，但好重，後來改為耍雙刀，仲要做一字馬，因為要戒食醋，等啲筋軟啲，自己又好鍾意食水餃，冇醋唔得，暫時啲筋骨都未夠鬆，所以練唔到，到時再算。」Ben表示其角色近乎是武功最好的一位，以拳腳為主，尾段更要耍天龍刀。
嘉洛自嘲崩壞版朴敘俊
高Ling又爆Ben會有場祼跑演出，他笑說：「呢場戲令到我心理壓力好大，我會除淨條底褲通街跑，自己未試過，好驚，因為呢場戲一直要keep fit 。」
飾演的士司機的周嘉洛，新髮型被指似韓星朴敘俊，嘉洛自嘲說：「人哋係靚仔，我係壞咗嘅栗子頭。」他又透露劇中單方面喜歡功夫高手謝嘉怡。嘉怡表示角色要耍劍，由去年8月已開始操練，訓練沒受傷，反而日前跑步時受傷。嘉洛表示劇中十八般武藝都要學：「我要騷Body，上下都要操練，自己一直想拍打戲，今次好開心可以圓夢，學習耍劍、雙刀同棍法。」
游嘉欣剪短髮顯清秀
吳偉豪以一身交通督導員制服亮相，而游嘉欣則為了角色剪短髮，臉龐亦顯得較以前清秀。一向留長髮的她，被問到剪髮時可有不捨？她說：「未致於喊，差少少，不過剪短髮好易打理。」吳偉豪又稱與游嘉欣並非演一對，但二人的關係會令人有所誤會。吳偉豪透露在劇中有動作戲，之前已上堂練拉筋及紮馬，至於自己就是隱世中的隱士，高手中的高手。
