《臨時劫案》贏口碑 小齊拒與林家棟搞曖昧
香港文匯報訊（記者 阿祖）郭富城、林家棟、任賢齊（小齊）及張可頤主演的賀歲電影《臨時劫案》，上映一星期多，獲讚除故事笑中有淚、「講多謝」同「Sorry 」不自然被洗腦外，戲中每個角色更是鮮明突出，是香港低下層縮影，加上全片於香港不同地方拍攝，是久違了的香港特色電影。
《臨時劫案》故事是三個廢中窮途末路，被逼上梁山一齊打劫的荒謬喜劇，當中更有兩袋錢不翼而飛的「錯摸」情節……其中飾演「笠水」的家棟與老死「冇用輝」小齊其中一場對手戲，劇情交代二人同時被綑綁雙手雙腳，被困在的士又黑又擠迫的車尾廂中，二人咫尺距離，家棟仲要伸手猛摷小齊的褲袋尋找手機求救，小齊回想：「車廂好細，逼到大家嘅呼吸都感覺到，導演仲想有我哋有曖昧感，要我用口幫家棟撕走黐喺口嘅大力膠布，同家棟口水都交換到，佢隻手又亂摷，我忍唔住叫咗吓唔好，拍完一晚感覺全身都散晒。」
《臨時劫案》的導演兼編劇麥啟光，在杜琪峯多部電影中擔任過執行導演，杜琪峯亦捧場，特別拍短片給予幾位徒弟評價，杜琪峯說：「啱啱睇咗麥啟光、阿斌（陳偉斌）、阿澄（萬芫澄），三個人搞嘅片，我覺得算係咁啦……要討論就好多地方嘅！但最少一樣嘢係，本年度香港賀歲片，我諗呢部算係最好睇。」
