李龍基撲返港探未婚妻：希望佢受咗教訓重新做人
李龍基未婚妻王青霞（Chris）被控逾期居留等6罪，被羈押在大欖女懲教所。李龍基昨早由廣州坐高鐵趕返港，他老淚縱橫向傳媒表示時間緊迫，要趕到大欖女懲教所核實身份才可探望未婚妻。抵達後，他跟未婚妻會面15分鐘，之後在懲教所外受訪。他指Chris狀態還可以，經過今次事件後，相信她以後任何事都會跟他商量。
對於未婚妻在美國曾有一段舊情，李龍基表示見過對方前男友，力撐女方沒有劈腿，更對天發誓：「佢從來冇喺我身上拎一個錢。」他指7個物業已給了前妻：「我冇物業，錢又唔多，但佢都願意跟我，佢係鍾意我嘅性格，而且我哋興趣相近，我覺得佢係搵到right man。」他又指Chris已向他道歉：「希望佢受咗教訓後重新做好人。」問到若未婚妻被定罪要服刑，會否申請在監獄簽字結婚？他說：「唔得，因為佢唔係香港人，結婚應該只會喺內地進行，相信佢出嚟都只會被遞解出境，返去內地住都冇所謂。」強調一定會跟Chris結婚。
