拿度教波單對單 15萬美元一堂？
付高價睇球星，近期都是本地網民熱門話題，假如有機會讓你跟隨網壇史上其中一位最佳球手拿度單對單上一課學打波，你又願意付出幾多呢？答案是15萬美元！
由Netflix主辦的網球表演賽下月3日會在美國拉斯維加斯上演，當中焦點大戰是兩代西班牙網球手拿度會與超新星艾卡拉斯對戰。主辦單位今次據聞相當有生意頭腦，讓球迷有多種不同級別與球星相聚的體驗，當中正正包括每堂價值15萬美元的一對一私人授課，而由二人聯合開設的團體課，據報每位都要盛惠5萬美元。
當然，主辦單位尚有次一級球手授課讓球迷選擇，諸如美國名將泰科爾及弗里茨等，則只需要2.5萬美元一堂，要貴要平，悉隨尊便。對於要與拿度學波收費天價，依然全數課堂售清，網民意見包括有「離譜」，也有「網球界一向係咁，想搵頂級球員陪你打波，梗係要使大錢啦！」
