讚現代小朋友叻 譚玉瑛不敢鬆懈
香港文匯報訊（記者 梁靜儀）譚玉瑛昨日以大使身份出席兒童交流選拔活動開幕禮，擔任過多年兒童節目主持的她，又分享與小朋友相處的趣事。
譚玉瑛表示她由上世紀八十年代開始主持兒童節目《430穿梭機》， 因為當時社會簡單，小朋友思想比較直接，節目中她是太空人，所以都不會食飯，啪粒藥丸就當食飯， 有一次她拍外景時在茶樓食叉燒飯，有小朋友見到便走上前問她：「點解你會食飯？你唔係食藥丸㗎咩？」
除了小朋友比較直接，當時的家長帶小朋友入電視台主要都是想小朋友開眼界 ，因為電視台有很多不同崗位， 可以讓小朋友學習不同事情，跟不同人相處可學到禮貌， 還有小朋友要簽約，是有show錢計的，所以他們不能因眼瞓就不去錄影，學到答應了就要做， 不過最好笑的是有些家長，在接小朋友收工時不見了人，原來去了隔籬廠睇明星。她又大讚現代的小朋友比他們那一代叻，所以作為帶領小朋友的大人都不可以鬆懈。
