科頓彭馬 天才中場對決
英超雙藍會 曼城撼車仔
既生瑜，何生亮！英超班霸曼城近年打起了未來英格蘭最佳中場菲爾科頓，而年紀較他細兩年的小師弟高爾彭馬卻因在「藍月亮」苦無立足之地，今季初被迫離隊出走，轉投車路士尋求更多上陣時間。果然，這位新晉英格蘭國腳亦同樣是個瑰寶，來到史丹福橋首季便大放光芒。明晚高爾彭馬便會隨車路士倒戈曼城，兩位當代天才繼首循環後交手，高爾彭馬誓要證明曼城當日放人是個錯誤決定。（NOW 611及621台周日1:30am直播）
在曼城上季勇奪三冠王的球季，高爾彭馬只得7次正選機會，但經過今季開季的社區盾對阿仙奴精彩演出，加上之後歐超盃對西維爾的入波，都顯示只得21歲的他，今季有力大放異彩。然而，礙於曼城隊中人才濟濟，高爾彭馬有意外借離隊爭取更多上陣時間，未來再回到曼城爭逐上陣機會，只是曼城領隊哥迪奧拿卻拒絕其要求，下令只能從留隊或離隊二揀一，最終高爾彭馬便以4,000萬鎊轉會費過檔「藍戰士」。
首度回歸 誓踢爭氣波
來到車路士的高爾彭馬，主帥普捷天奴對其信任有加，大膽起用這位未具足夠經驗新星擔大旗，果然「肥普」的獨具慧眼亦得到回報，這位英格蘭新星在聯賽至今的10入球6助攻，都是隊中最多，已成為球隊中場不可或缺一員。對於將首度回歸曼城體育場作戰，高爾彭馬將會得到證明哥帥當日放人是跌眼鏡的機會，他說：「我會好似之前每一場咁努力，睇吓會點啦！呢場係硬仗，但我好期待返去。」
另邊廂，23歲的菲爾科頓今季開始企穩曼城正選，開季至今在各項賽事已經累積交出15入球10助攻，在英超亦有8入球7助攻，力證他是曼城及英格蘭未來中場線的統領者。對於英格蘭教練修夫基與曼城主帥哥迪奧拿都指他暫時未足以完全勝任中場中位置，皆因在防守方面仍略有不足，菲爾科頓回應：「個人嚟講，我想成為英超其中一位最佳中場，我要展示畀所有人睇我可以做啲乜，無論係中場中定其他位置。」明晚的科頓鬥彭馬，絕對不容錯過！
