海倫着晒火 紅魔周日射爆盧頓
是金子總會發亮！就正如曼聯前鋒海倫，擁有精湛射術及非凡潛力射手，經過加盟後頭14場聯賽零入球後，近期卻連續5場英超取得「士哥」；「紅魔鬼」在海倫的帶領下，已經攀回聯賽榜第6位，緊接下來的周日，曼聯作客盧頓又會是該丹麥射手大顯身手之時。
年僅21歲的海倫，去年夏天由意甲阿特蘭大來到奧脫福，由於加盟之時仍是有傷在身，加上適應需時，開季雖在歐聯交出好表現，但在聯賽卻苦無入波，備受質疑，但近期卻腳風轉順，就連一向挑剔的曼聯名宿堅尼近期都大讚：「佢好似變咗另一個球員，佢好強壯、進取，把握到每個機會，有好強嘅入球信念。如果曼聯要有好成績，一定要佢繼續入波。」
海倫在近8場曼聯比賽製造了7個入球，較他之前22次為「紅魔鬼」上陣更多。在他近5場英超中，他的預期入球值為2.23，但他卻攻入了5球。此外，海倫更成為英超史上第2年輕連續5場入球者，僅次於法國名將安歷卡，整體數據相當誇張。
