劉嘉玲認傳統 寫卡送禮氹偉仔
情人節唔過二人世界 改約一大班人慶祝
昨日是西方情人節，劉嘉玲表示跟老公梁朝偉是「老夫老妻」，已甚少過二人世界，故選擇跟朋友一齊慶祝。她自認傳統，每逢情人節必定會寫卡及買禮物氹老公。她則滿足現狀，只需老公送一朵花就心滿意足。
劉嘉玲昨日以嘉賓身份出席「Chubby Hearts Hong Kong」開幕活動，她表示世界很需要愛，大讚活動很有意思，提醒每個人將愛心帶給身邊及全世界的人，她說：「依家世界充滿天災、疫情同戰爭，都係負面嘅，所以應該多啲愛，從愛自己開始到愛身邊人，再傳達出去，Love is in air！」
嘉玲表示已安排節目慶祝情人節，但並非與老公梁朝偉過二人世界，而是一大班人度過：「依家少二人世界，如果只同梁生過，只係你眼望我眼，有朋友歡樂啲！（有冇準備禮物？）都要，但依家太簡化，問候同派利是都用手機，我就好傳統，寫卡、買禮物，一紮花都要，梁生比我更傳統，仲開緊支票，我都用網上銀行啦！不過都希望有驚喜，女仔好簡單，一朵花已覺得有心意，收到禮物更好啦！」問到想收什麼禮物？她認真地說：「收歡樂、健康，依家我好滿足，唔需要太多嘢。」
睇好老公再做影帝
提到偉仔憑《金手指》再度獲提名金像獎最佳男主角，嘉玲直認偏心，睇好老公稱帝：「其他提名人都好，但我擺明偏心，我睇咗兩次，覺得佢又去到另一個層次，係個難得嘅演員，都係唔好讚佢太多！」問嘉玲有否戲癮？她表示現時專心為老公處理工作，並指老公3月會到德國拍西片《Silent Friend》，故未能出席金像獎頒獎禮。
嘉玲最近當主持人，邀請嘉賓拍攝內地綜藝節目《嘉玲自有約》，她透露剛完成6集大灣區篇：「我都係拍呢個節目先知大灣區咁大、咁多城市，環境又好，餐廳同服務都好。」現在她再拍香港篇，會去廟街、天星碼頭、黃大仙等取景，將香港靚景介紹給大家。嘉玲又表示今次節目是全女班嘉賓，之前邀得莫文蔚、鄭裕玲、楊采妮、朱茵、葉童等，再添食便會全男班嘉賓，到時一定會訪問老公，她笑言：「如果佢唔多講嘢，咁我一個講晒。」
