大王扮財神被人摸很得意 玲玲揭秘利是可傳遞好運
香港文匯報訊（記者 梁靜儀）堪輿學家麥玲玲帶領黃紫恩（Jojo）、蔡景行（行仔）主持的清談節目《玲玲友情報》，前晚（7日）一集主題為「利是唔係咁樣𢭃」，嘉賓是人稱「大王」的安德尊。
每逢農曆新年，大王都會以財神身份亮相，自言扮財神時間比另一位財神專業戶「修哥」胡楓還要耐︰「入行第二年就做財神，做了差唔多30年。」他謂辛苦之處不為人知，因為頂帽由竹支或木條撐起，長時間戴會頭痛，「但着住財神衫好受歡迎，啲人走埋嚟摸你，嗰種感覺好得意。」
大王又自爆多年來收到有福氣、名氣長輩畀的利是，都會儲起來︰「儲到𠵱家擺喺成日見到地方，係一種紀念。」玲玲師傅從玄學上分析，𢭃到有財福人士的利是，可以沾到對方的好運。她還笑稱最好當然是𢭃到四大發展商的利是，福澤更佳。她又取笑以大王身家，自然可以儲起這些利是不用，還爆料說︰「江湖傳聞大王好有錢，新界眼望啲地都係你嘅，你洗緊面嗰陣啫。啲後生（指住Jojo同行仔）唔夠錢用就要拆，有頭髮邊個想做癩痢。」
玲玲師傅還拆解初一不洗頭的謬誤，是源於古時男女都留長頭髮及科技不發達，她解釋︰「睇書研究過以前啲人好少洗頭，因為洗完頭冇得乾，無理由新正頭披頭散髮鬼咁見人。」
