釗峰搵拍拖對象 鍾情運動型女士
單飛發展上軌道 以新心靈寫歌
組合C AllStar成員分道揚鑣後各有發展，其中梁釗峰已推出第3張個人唱片《遺憾與遺憾之間的一切》。他自覺事業已上軌道，尋找到發展方向。他坦言已到適婚年齡，覺得運動型女士最吸引，希望找個與他一樣愛跑步的女士拍拖。
釗峰表示今次唱片和4首新歌MV的製作過程很愉快：「幕後監製、導演、美指甚至MV主角譚善言、韋羅莎同簡慕華都係女性，合作起嚟分外愉快。鏡頭陰柔、MV唯美，連親熱戲都由女士去演，我自己睇得好舒服。」釗峰坦言有參與創作，創作人都好信任他的意見，就連MV怎樣拍也問他是否同意，他笑言：「好似從來未有過呢啲待遇。」
從組合C AllStar到個人發展，數年間釗峰自覺已上了軌道，也開始找尋到自己的方向，他說：「不過出道至今，我都冇太大分別，都係健康嘅我、貼近社會嘅我。」他相信專注做自己喜歡的音樂，以「新心靈」去寫歌，別人一定看到：「我就似一個收音機發放頻道，有共鳴時世界就會有回響。」
釗峰坦言很想開音樂會，不過最新目標是創作一首稱心的跑步歌：「之前嘅歌似包裹比較重磅，而我跑長跑，最近愛上越野跑，所以想寫一首比較輕盈嘅歌，可以畀我跑山融入大自然嗰陣，同我心跳、步伐一致而聽嘅歌。」原來釗峰之前到過泰國和台灣參加越野賽，他笑言運動型的女士最吸引，但可惜每次比賽旅程時間很短，未有機會去跟心儀的女士加深認識，更何況他不接受異地戀，怕思念的感覺。他說：「特別係我已到適婚年紀，都希望有開心事同大家分享。」
C AllStar團魂不滅
對於C AllStar休團，各成員簽不同公司，釗峰表示若要合作，在行政上比較困難，本身他與吳崇銘（King）、陳健安（On仔）和何建曦（SoulJase）感情非常好，On仔更加是同公司：「即使大家作個人發展，都會為團隊而驕傲，將來再合作嘅話，我哋各自唱Solo部分，更加可以交換歌嚟唱，所以唔會影響感情同演出。C AllStar核心嘅『魂』同『火』仲喺度，會互相鼓勵。好似大家開騷，我哋有時間都會出席支持。」
