韓國出局老孫道歉 奇哥笑笑口
亞洲盃冷門爆不停！繼奪標大熱日本在8強出局後，昨晨上演的4強戰，另一熱門韓國竟然吞下約旦雙蛋，宣布無緣決賽。賽後，身為首席球星的孫興民為敗陣向國民道歉，而在吹完場雞後笑笑口的德國籍主帥奇連士則被狠批，但他已表明無意辭職，只會隨隊返回韓國檢討。
約旦憑下半場早段的兩個入球擊敗韓國，身為「太極虎」首席球星的孫興民賽後自然難免自責，尤其他在今場竟然未能錄得任何射門，確實令人失望：「我係應該交出更好表現去報答支持我嘅球迷，對唔住，我真係唔知講乜好，真係抱歉，大家都盡晒力。」「老孫」歷來4次參戰亞洲盃，最好成績是2015年的亞軍，但今次卻未能打入決賽。
主帥「奇哥」賽後竟然展現笑容，表面上似對出局未太介懷，幾個韓國媒體都狠批奇連士文態度，亦指他在戰術指揮乏善可陳，而「奇哥」受訪時強調未有辭職打算，暫時將返回韓國對今次賽事進行分析，及為之後世盃外做準備。對於「奇哥」情況，孫興民則開腔力撐：「教練（奇連士文）都知好多人批評佢，呢啲批評根本係恥辱，佢一直受住好大壓力。」
