祖兒驚喜撐Twins 阿嬌如廁出問題
蔡卓妍（阿Sa）和鍾欣潼（阿嬌）共14場《TWINS SPIRIT 2024 紅館演唱會》尾場前晚舉行，吸引老闆楊受成博士夫婦、容祖兒、陳慧嫻等捧場。原本坐在觀眾席的祖兒於Encore環節驚喜上台，跟Twins合唱《隆重登場》，祖兒笑言：「我喺台下最唔抵得係全場大嗌『咀佢』，其實好普通。」話口未完，她遭阿Sa與阿嬌強吻，相當搞笑。之後3人向老闆表示想去旅行，祖兒笑言：「萬事俱備只欠現金，我哋向老闆拜個早年，等你畀錢畀得舒服啲。」楊生大方示意「冇所謂」。最終Twins在3度Encore下唱《天對地》，為14場演唱會畫上完美句號。
Twins完騷後受訪，阿嬌坦言因身體不適，被迫取消打側手翻：「依家身體狀況好亂，咬嘢嘅力都冇，連廁所都去唔到。依家食嘢都係吸入口，所以要開始放假休養。」
