阿Sa阿嬌咀嘴滿足歌迷
蔡卓妍（阿Sa）和鍾欣潼（阿嬌）前晚舉行的第11場《TWINS SPIRIT 2024 紅館演唱會》是歌迷專場，特別選唱為歌迷而寫的新歌《忠粉》 ，歌迷的熱情讓她們未唱先落淚，唱畢後二人即拿紙巾不停抹淚，更不約而同說：「 太感動！真係要平靜吓先！」不過未幾她們回復平日「癲癲得得」模樣，阿Sa笑言：「 我哋不嬲係咁，係咪想像唔到呢22年我哋都係咁？哈哈。」此時台下有歌迷狂叫「咀佢」，阿Sa說：「有咩咁特別？ 又唔係未見過，成日都做㗎啦！」 她即拉阿嬌埋身咀嘴，但第一下竟然失手相撞，笑爆全場；第二次則完美咀嘴，全場尖叫聲不絕，阿嬌笑言，「真係無聊呀你哋！見係Fans場滿足你哋啦。」
