林鈺洧滑雪傷腳 照着高踭鞋
馬德鐘、林鈺洧與郭柏妍等昨日到沙田馬場出席「仁愛堂盃」慈善活動，提到馬德鐘兒子馬在驤剛碩士畢業，他表示未知兒子想繼續升學還是就業：「年輕人有自己想法同選擇，可以嘗試唔同嘅方向。（囝囝同女友感情穩定，想佢快啲結婚？）唔清楚佢哋係咪穩定，由得佢自由發展，最重要係佢開心。」
林鈺洧和郭柏妍都自嘲是「明燈」，投注運氣一般。林鈺洧自爆早前滑雪時弄傷右腳的半月板：「其實當時唔舒服，但覺得一場嚟到唔好嘥，就算食住藥都要去滑雪，一唔小心就失平衡受傷。依家有做物理治療，希望強化周邊肌肉，睇情況決定做唔做手術，但我未做過手術會驚。」見她仍穿兩吋高踭鞋，她笑言不覺痛，之前更嘗試跑步，但未有做劇烈運動。
