小齊自爆曾考慮拍三級片
小齊表示以前都是拍輕鬆愛情片《夏日的麼麼茶》、《嫁個有錢人》，從未拍過像這次《臨時劫案》的黑色幽默喜劇，感覺也很新鮮。戲中講述他跟家棟、城城因為窮去打劫，而小齊最窮的時候就是讀書時夾band要買樂器，當時就有人叫過他拍三級片：「那時我大約20歲讀大學，有人出到20萬台幣（約5萬港幣）叫我拍三級片，我有諗過做替身，樣就交畀演員做，下半身就交畀我出苦力啦！」問他是否很滿意自己的body？小齊笑說：「當時自己是體育學院嘛，加上畀的錢好多夠我買樂器，係好心動，但最後都沒有去做，結果是去打工做燈光音響。」
家棟透露以前都好窮：「訓練班前試過打多幾份工，一個星期做幾份part time，做過旅行社、酒店炒散和侍應，賺到錢都因為虛榮去買唱片，試過一份人工都用來買了唱片，同學之間最好交流的工具也就是音樂。」入行沒想過當歌手？家棟笑指為了保護樂壇才不做歌手：「我個名叫『五音不全』！」但拍戲要唱歌展示魔音又如何？他笑答：「能夠震撼到觀眾心靈我OK㗎！」小齊加入說：「我領教過，其實有想過請家棟做我演唱會嘉賓，但現在要諗諗了，不過我們可以在台上唱些男人之苦也不錯啊！」
