胡定欣滑雪搵筍盤 同姚子羚鬥快結婚
胡定欣昨日出席商場賀歲活動，今日便前往非洲埃塞俄比亞做慈善探訪一星期，回港再宣傳電影《臨時劫案》。談到「胡說八道」之前在美國舉行巡迴演唱會首站，反應熱烈，定欣表示稍後會宣布於其他地方繼續演出：「由最初登台變成正式嘅演唱會，依家我哋6個姊妹都有好多諗法，更加以齊人演出為目標。」提到「胡說八道」只剩姚子羚仍在無綫，可有考慮一齊自組公司發展？定欣說：「冇咁諗，我哋每個運作都唔同，淨係約齊人食飯都唔容易。」
她表示農曆新年會與朋友去滑雪，因她畏高，所以去年才首次學滑雪：「今次一班朋友只得我唔識滑雪，好希望跟教練學識。」問到滑雪團中有沒有「筍盤男士」同行？她笑言：「再留意吓先，其實都識嘅，帶埋去滑雪，我會睇佢係咪照顧我，但都要啱傾，順其自然啦！」她笑言經常被追問人生大事，要跟好姊妹姚子羚鬥快結婚。
