首戰馬拉松10公里獲好成績 黎展峯聽軒仔歌打氣
香港文匯報訊 一年一度的「渣打馬拉松2024」於日前舉行，演藝界有不少藝人參與，當中的10公里賽事更是眾藝人參與的熱門項目，歌手黎展峯（Andy）亦首次挑戰10公里賽事，並以四十八分零四秒完成賽事，絕對是這個組別芸芸參賽藝人當中成績彪炳的一位。
畢業於浸會大學體育系的Andy喜歡運動，喜歡各樣球類的他這次轉跑道玩跑步，原來是「拜疫情所賜」，「因為之前疫情封咗球場，冇得去玩球類運動，於是就走咗去同啲friend一齊跑步、跑山，點知愈跑愈上癮，想挑戰一下自己可以玩到啲乜嘢成績返嚟。喺香港最容易報到名嘅跑步比賽我諗就係馬拉松，所以嗰陣就下定決心參加馬拉松。」他透露去年七月已開始備戰，每星期訓練一堂。
首次參賽，Andy坦言超級緊張，緊張到瞓唔着。至於事前準備工夫，Andy表示自己有個跑步歌單，特別在聽歌時會令自己更加亢奮，會再跑得快點，「我loop咗好多次軒公（張敬軒）嘅《Do what you want》 ，一路聽住，真係覺得自己愈跑愈快。」除了得到軒仔「沿途打氣」，Andy直言「真人打氣」亦十分難忘，「途中見到有好多人幫手打氣，喺一啲橋位或者喺一啲水站，雖然已經跑到兩隻眼唔係睇得好清楚啲人，但喺凌晨嘅時分都feel到大家嘅熱情，幫我哋所有跑手打氣，好難忘好感動。」
首次出戰便獲好成績，下年會否挑戰全馬？Andy坦言沒想過，「來年應該未必會即刻挑戰全馬，但可能會升一級去半馬。」
