周家怡摑梁朝偉 拍蚊咁拍
獲劉德華捉手仔教戲
出名是實力派的周家怡，於新片面對兩大影帝梁朝偉與劉德華頓變小粉絲。其中一場戲她要怒摑偉仔，拍攝前獲華仔捉着她的玉手排練，更教她如何培養情緒，偉仔亦叫她放膽摑，結果正式拍攝，家怡沒有怯場兼動真火摑偉仔，獲讚演出逼真。不過她就擔心摑痛男神，覺得非常抱歉！
由梁朝偉、劉德華、蔡卓妍、任達華、方中信、周家怡等傾力合演的英皇電影《金手指》，全球票房勁破5億元，更獲香港以至海外各大電影節及頒獎禮重視，足證電影製作優質、叫好叫座。
周家怡在片中飾演華仔太太，楊偲泳（Renci）則演他們的長女。戲中講述華仔一家在停車場被歹徒追殺，雖然沒搞出人命，但各人都受傷。他們被送往醫院救治時，遇上坐在輪椅上的偉仔，由於之前華仔有預感偉仔會對其家人不利，故狹路相逢下，家怡按捺不住怒摑偉仔，並對華仔放狠話：「你拉佢唔到，你唔好返嚟屋企呀！」
面對兩大影帝，家怡不但沒有怯場，更生動演繹了對偉仔的怒火。正式開機前，幾位主角認真排練，華仔捉着家怡的手，教她怎樣掌摑偉仔外，又分享如何揣摩情感，最終很快順利拍完。事後家怡慰問偉仔說：「唔好意思，梁先生，痛唔痛？」偉仔大方回應：「OK，冇問題呀！」
家怡受訪時坦言能與兩位影帝對戲感滿足：「佢哋好好人！劉先生同我有較多交流，佢會提出好多意見同想法畀我。梁先生友善就不在話下，佢畀咗我莫大信心，因為我要掌摑佢，佢直接同我講『你打落嚟啦，冇事㗎，拍蚊咁㗎咋』！我喺現場提醒自己，唔好成日偷望佢哋。」
楊偲泳想同劉德華撒嬌
拍攝前演員需要培養情緒，家怡與Renci均做足準備，家怡說：「我要多謝動作設計嘅錢嘉樂，佢解釋得非常詳細，令我哋清晰知道場戲點拍，令我同劉先生培養出差啲失去仔女嘅情緒。」Renci則說：「發夢都諗唔到可以同梁先生、劉先生合作，又有家怡演我媽媽。啱啱拍嗰陣，我同家怡對望咗一吓，佢就走過嚟攬住我，令我好想喊，加上手抱一個活生生、只得3個月大嘅BB，而且場面有壓迫感，一直都忍住情緒，同自己講冇事。但當爸爸（華仔）行埋嚟嘅一個眼神，我就好想喊，想同佢講『爸爸我好慘呀』，想同佢撒嬌！」
