吳若希嘴唇施誘 老公冇份
吳若希、羅天宇、周志康、胡蓓蔚等昨日現身《旁觀者》劇集宣傳活動，「艷福無邊」的羅天宇獲吳若希及周志康爭餵食，非常搞笑。提到吳若希於劇中以嘴唇誘惑人，她稱最有難度是控制嘴唇，為此不停對鏡練習，每次拍攝前還會狂敷唇膜及塗上厚厚的潤唇膏，笑言已當上潤唇膏達人。問到老公可有被她的紅唇迷倒？她笑言：「對住老公就做唔到，因為我係唔太流於表面嘅人，一言不合就會大打出手。演呢個角色令我學會收斂，依家有時會對住老公唔出聲，反而令佢仲驚。（用咗劇中嘅兇狠眼神望老公？）唔係，係用不屑眼神望佢。」她笑指與老公只作心靈交流，不用嘴唇，因老公有吸煙習慣，待戒煙後再算。問到是否很久沒錫老公？她搞笑說：「佢成日夾硬錫我，我就夾硬錫對仔女攞番心理平衡，我哋成家都鍾意夾硬嚟，哈哈！」
