陳奕迅惡搞楊千嬅上熱搜
香港文匯報訊 陳奕迅 「Fear and Dreams」世界巡迴演唱會，2022年於香港啟動，已經跑了72場，經過美加、東南亞及內地14個不同城市，下周完成廈門站6場便可以放一個農曆年長假，年後才再繼續開始巡演。
前晚廣州最後一場，Eason 安歌又再唱《空城記》，對這首慢歌，他直言有很深感情，「呢首歌係要慢慢聽，聽多一百幾十次，你先感覺到歌之韻味。」
Eason找來老朋友余靜萍執導《空城記》MV，MV於台北陽明山上及北海岸拍攝，當時仍是夏天8月份，第一次要穿着三件套西裝行山，Eason話熱到想暈，不過大家都咁落力，自己熱到濕晒都要頂住，「最開心係拍到最後，移去淡水北海岸海邊，拍完最後一個鏡頭，即刻除鞋衝落水，嗰一刻大解放，對腳浸住暖暖海水，好舒服。」
前晚廣州尾場，Eason台上飲水，觀眾又叫又笑，Eason搞笑模仿楊千嬅喺後台「吻下來，豁出去，恍似飲咗一桶水」，一句亂噏，豈料大家當真，昨日竟然上了熱搜，大家都以為楊千嬅真係用桶飲水， 亂噏的Eason知道後，也覺得搞笑，叫大家不要相信，他只不過係一時戲言，搞下笑。
