王雙駿首辦個人作品展 邀得謝霆鋒麥浚龍獻聲
香港文匯報訊（記者 子棠）殿堂級音樂製作人王雙駿（Carl叔叔）將於3月9日舉行首個個人作品展《王雙駿 HATS ON 音樂會》 ，並邀得多位合作無間的歌手獻聲，其中包括謝霆鋒、麥浚龍、柳應廷、李駿傑、吳林峰及& The Duo Band等；而宣傳海報中Carl叔叔戴上的5頂帽子，亦代表着不同的歌手單位。
是次音樂會以「Hats On」為題，全因Carl叔叔多年的「招牌」戴帽造型：「我好鍾意帽，儲咗差唔多廿年， 而當中有好多頂帽都係有好多唔同嘅故事同經歷；每頂帽都有佢自己嘅個性，與今回我邀請嘅歌手、樂手一樣，每位都有自己嘅特質同長處，作為監製嘅我，同樣會將每個人最好嘅獨特一面呈現出嚟。」Carl叔叔曾表示，作為監製的理念，類似一個建築師，為每位歌手度身打造出不同的音樂計劃；因此宣傳海報中，Carl叔叔戴上的5頂帽子，除了代表着將於音樂會上演出的歌手，也代表着一個角色、一個責任。
對於是次演出陣容，Carl叔叔指全是多年來合作無間的歌手，並稱：「我識謝霆鋒時佢得19歲，係個好『刺激』嘅人，完全唔理世俗眼光，喺我哋嘅創作入面，聽眾會感受到好多熱血嘅火花，睇住謝霆鋒由年少輕狂，慢慢發展出一種穩重，成為一個好全面嘅藝人。認識麥浚龍時，對方也是十幾歲，咁多年嚟我哋傾偈嘅方式好特別，十句入面有八句都係『廢話』，但係呢啲默契會成為創作概念，我哋『鬥』天馬行空、『鬥』不着邊際，所以每首歌都會有唔同嘅驚喜。」
