耶耶托尼揀冠軍 唔撐自己人
非國盃爭霸激烈，自埃及在2010年完成三連霸後，近6屆賽事正是由6支不同國家隊奪冠。至於歷來的非國盃王者，正是曾7度稱霸的埃及，而「非洲雄獅」喀麥隆與「黑星」加納則緊隨埃及之後，分別5次及4度奪冠。對於今屆賽事，東道主科特迪瓦的經典名將耶耶托尼早前受訪，透露了他的心水。
曾在2015年協助科特迪瓦奪標的耶耶托尼說：「其實好正常會睇好自己嘅國家，科特迪瓦係支強隊，擁有好多充滿天分同經驗球員，但如果要我揀奪標熱門，我反而會揀塞內加爾、摩洛哥、畿內亞比紹同南非，佢哋幾隊喺外圍賽表現非常討好。」
至於在1994年協助「超霸鷹」尼日利亞封王的名將艾迪普祖，則認為冠軍不出三隊：「我認為尼日利亞會係其中熱門之一，我仲睇好埃及同衛冕嘅塞內加爾，但要講邊隊最後跑得出則好難，我諗要等賽事展開之後，先會有眉目。」
