小齊派百萬慰勞員工 家棟「眼紅」 城城哨牙造型 噴口水似異形
香港文匯報訊（記者 梁靜儀）郭富城、任賢齊（小齊）、林家棟、孫佳君及林雪等，昨日到將軍澳一間中學出席賀歲警匪片《臨時劫案》記者會。戲中飾演的士司機的家棟，駕駛的士載住飾演悍匪的城城、安老院長小齊，手持金槍及金士巴拿，護送化身成財神爺的符家浚到場， 吸引大批學生圍觀。活動上，眾人又與一眾粉絲及長者玩遊戲，並大派利是及揮春提早跟大家拜年。現實中的小齊就化身「財神」，向工作人員豪派100萬作鼓勵。
城城表示在戲中飾演摔跤手兼悍匪，造型要佩戴假哨牙，被笑指「 犧牲色相 」？他坦言作為演員必須要付出去嘗試， 自己亦冇所謂。家棟笑說：「做靚仔做得太耐！」城城續說戴假哨牙講對白有很多問題，講對白時會噴口水。家棟即笑城城似足異形，有口水絲，小齊亦說：「我同家棟最辛苦，因為跟城城演對手戲時，口水噴晒落我哋塊臉。」
城城話靚仔都是一種苦
戲中三人有場大談「男人之苦」的戲份，城城坦言現實中有不同階段，現在當上爸爸就要遷就囡囡，有時小朋友發脾氣又不聽話要安慰，自己都不知所措， 但也是樂趣， 做爸爸就要接受，亦覺得是一個磨練。談到長得靚仔可算是「男人之苦」，城城直言靚仔都是一種苦：「被人讚都開心，但狀態Keep到都要付出，要做好多準備。」
小齊笑指角色性格心太軟，但現實中的他就「冇咁軟」，問到哪一方面強硬？他說：「男人應該硬嘅地方好硬，肝就唔好太硬。」
談到他在內地開巡唱，將100萬分給工作人員作鼓勵？ 身旁的家棟聞言裝作羨慕搞笑說：「我哋都冇份。」小齊說：「畀員工一個補償，因為大家做得辛苦，畀佢哋好好吃餐飯。」問到近日舉行巡唱的城城，可會效法小齊？城城表示都會學習一下：「 不過以往也會玩抽獎，分別有現金、電話、酒，暫時未有車做抽獎禮物。」
孫佳君演的士司機
另外，戲中飾演的士司機的孫佳君，為了令造型真實，就向開的士行的朋友取經，原來女的士司機會帶腰包、紮頭髮又穿風褸。她又透露因角色是有錢人，有幾部車，有日收工被城城打劫，問到劫財定劫色？孫佳君笑說：「不知幾想被人劫財劫色帶返屋企。」
她又大讚劇本由打劫去講人性，有諷刺、黑色幽默，加上她已很久沒有參演賀歲片，感覺是童年回憶：「 以前係睇星爺(周星馳)嘅賀歲片，近年就睇黃子華多，不過今年會睇晒所有賀歲片，支持大家。」
