AGA作歌冇人吼 感激薛凱琪賞識
江海迦（AGA）日前在東莞舉行《AGA ONEDERFUL LIVE》第2站巡迴演唱會，邀得創作生涯中非常重要的人擔任嘉賓，她就是薛凱琪（Fiona）。AGA出道前做作曲人，創作3年未獲任何歌手賞識，直至Fiona聽到《Better Me 》的Demo，便向公司提出一定要錄這首歌，成功令AGA賣出第一首作品。AGA透露因為失戀而創作《Better Me 》，希望激發自己，Fiona得悉後說：「雖然你係愛情上嘅失戀，但我係成個人生都失戀！人生呀、個腦呀，好多方面都……就係因為呢首歌嘅Demo鼓勵到我，所以我就同公司講一定要唱呢首歌，其實我當時隻碟係已經夠歌，但我都一定要唱。」二人首次同台合唱《Better Me》，AGA更一度感觸得眼泛淚光。
另外，AGA日前綵排時弄傷右腳，導致膝蓋位置筋腱發炎，由於舞台設計呈傾斜角度，加上開場時Solo部分有坐在地上的舞步，對膝蓋造成壓力，故排舞師特意改動舞步，讓AGA順利完成演出。
