陽澄湖大閘蟹 產量三年來最大
大閘蟹一直受港人追捧，秋天更是大閘蟹最當造的季節。今年納入「陽澄湖大閘蟹農產品地理標誌」地域範圍內的池塘養殖面積逾7萬畝，蟹總產量預計達1.1萬噸，較去年增加0.16萬噸，達三年來最大豐產。蘇州市陽澄湖大閘蟹行業協會新聞辦主任姚水生表示，今年陽澄湖大閘蟹產區風調雨順，氣候適宜，加上養殖戶在苗蟹的養殖更科技化，無論規格或品質都優於去年。
惟有本港蟹商直言競爭大，對銷情未敢樂觀。大閘蟹供應商三陽泰負責人翁先生表示，今年大閘蟹供港時間可謂回復正常，中秋節就有蟹供應，但成本仍然昂貴。「循正規渠道嚟港嘅大閘蟹都係由韓國坐飛機嚟，空運成本高昂，而今年蟹季開始，市面大閘蟹零售做到成行成市咁，價錢一味鬥平，零售商完全係蝕住嚟做！」他又指，全面通關後不少港人周六日改往北上深圳消費，當中包括一批月入六七萬元的中上階層，「呢批食蟹嘅豪客今年（在香港）冇晒喇！」
