馮德倫做嘉賓諗足一個月 陳慧琳唱到聲沙淚灑舞台
香港文匯報訊（記者 子棠）陳慧琳（Kelly）邀得馮德倫（Stephen）為澳門演唱會擔任表演嘉賓，但原來Stephen考慮了一個月才答允應邀；而Kelly在前晚尾場更被歌迷感動到淚灑舞台。
Kelly的一連兩場《陳慧琳 Season 2 演唱會 澳門站》前晚落幕，而兩場演唱會除了得到家人越洋支持，還得到好友Stephen力撐擔任特別嘉賓。二人合唱過《北極雪》後，Stephen表示：「我唔單止好耐冇唱過呢隻歌，我仲要係好耐冇唱過歌。」Kelly即笑言：「聽得出！保持返20年前嗰個水準，都OK嘅；而且你Keep得很好，只要剃了鬍鬚，一樣有型，前一晚已經令男女都冧到爆。」穿上樽領的Stephen與穿上銀色高衩舞衣的Kelly有強烈對比，Stephen先稱讚Kelly，再打趣道：「你就保持返20年前一樣咁嘅樣，跳舞又冇變過。不過原本我諗住配合《北極雪》的打扮，但就好似着多了，見到咁樣，我諗住除咗條褲 ，但費事啦！」Kelly笑說：「咁我係咪要着冷褲？」逗得台下笑聲不斷；Stephen又特別為歌迷多送一首合唱歌《紀念日》。
久別歌迷的Kelly亦分享了自己的內心世界，指出道之初獲高人指點指紅色旺她，當時就由宣傳照到出活動都是紅色裝束，結果紅足20多年：「其實我唔係好信呢啲嘢，但又會諗返起，如果當年唔係着紅色，今日又輪唔輪到我企喺呢個台呢？」台下即瘋狂叫喊Kelly的名字，熱烈的反應令Kelly忍不住哭起來，並說：「唔知仲可以企多幾多年呢？呢啲都係唔好諗咁多喇，自然啲啦！」其後Kelly演唱時，歌迷更湧到台前跟着起舞。
Kelly為了這兩場演唱會出盡全力唱到聲沙，但也興奮地說：「終於放監食嘢喇！因為我啲歌衫真係多啲啲肉都唔得，我𠵱家可以盡情擦返餐飽。」談到台上感動落淚，Kelly表示沒有預計到的，因怕影響唱歌，但見到歌迷的支持忽然間有少少感觸。至於邀得Stephen做嘉賓，Kelly 說：「其實我3個月前就已經搵佢做嘉賓，不過佢都考慮咗一個月至答應，因為佢太耐冇唱過歌，我就用我嘅誠意打動咗佢，話你鍾意唱邊首都得，我可以同你一齊唱，佢最後就話好啦！」Kelly續透露稍後會去美加、星馬等地巡演，香港應該明年年底。
