克勤籌備澳門騷 驚喜收碧咸禮物
李克勤近日宣布將於9月29日至10月2日在澳門倫敦人綜藝館舉行《我們的交響樂演唱會》，他透露父母是澳門人，故從小到大，每逢暑假都會跟父母到澳門探親。由於之前紅館《弦續演唱會》的影片大受歡迎，故他特別抽時間到澳門為今次演唱會拍片，期間他到即將入住的倫敦人房間參觀，驚訝發現酒店職員準備了碧咸留下來給他的禮物—— 7號親筆簽名球衣，又收到碧咸寫的歡迎信，克勤開心說：「話晒我係曼聯迷，冇諗過有咁驚喜嘅禮物畀我。（碧咸寫咩畀你？）大家嚟澳門睇騷就知。」
拍攝當日，克勤趁空檔買手信，又食了雙皮奶，引起手信街一陣哄動，門口企滿圍觀睇明星的人，他笑言：「真係冇諗過擰轉頭就咁多部手機對住自己，嚇一嚇，哈哈。依家手機年代，都要習慣啦，咪笑住對住啲手機揮下手。可能澳門人同遊客少見我，興奮咗少少。」
