開群組助新人 互相幫扶 古巨基爆囝囝要上台跳舞 被抱走眼濕濕
香港文匯報訊（記者 梁靜儀）古巨基相隔4年再在港舉行演唱會，前晚於灣仔會展舉行《I REALLY LOVE TO SING AROUND THE WORLD LIVE 香港演唱會 2023 》，並請來張天賦（MC）、Tyson Yoshi、應智越（細貓）及力臻等擔任嘉賓，捧場的圈中人就有同門的泳兒、許靖韻及何佩瑜等，英皇老闆楊受成博士夫婦亦有到場支持 。
染有紅色頭髮的基仔，身着全白服飾以一首《我生》為個唱揭開序幕，之後一口氣唱出《初初》、《任天堂流淚》、《眼睛不能沒眼淚》及《漂流教室》；到第二部分，請來新晉歌手Delta T、力臻以嘉賓身份登場，自言視基仔為偶像的力臻，與基仔合唱《Can WE Try》，準備返回後台之際，突然打開外套騷肌，並說：「我唔係特意除衫，我收埋咗古Sir嘅閃卡喺外套入面。」接着到大隻仔Tyson Yoshi出場與基仔合唱《第二最愛》，再獨唱一曲《In My Dream》，掀起當晚第一個高潮位。
輪到應智越則與基仔合唱《心跳回憶》，近日被前度爆出偷食的細貓演出投入，心情似未有受負面新聞影響。另一位新人Dark，自彈結他與基仔合唱《一刻永恒》。輪到MC出場，MC先與基仔合唱《自我安慰》，再獨唱《記憶棉》。當晚基仔又邀來多位新晉歌手，包括吳保錡、顧定軒、黃劍文、洪助昇、張蔓莎、黎展峰、張天穎、張進翹等，跟他合唱新歌《星戰》。
AI無法述說人類情感
唱完《星戰》後，每位歌手逐個自我介紹，全晚一直唱歌的基仔，終於開腔說：「大家好，我係古巨基，我哋咁多位都係樂壇一分子，我終於講嘢，點解咁耐先講，因為 I really love to sing。呢part完咗喇，𠵱家係I really love to talk。今次個騷點解用返碟名？其實最初唔係呢個，最初想玩食字，之前流行用AI唱歌，想探討吓AI可唔可以代替真人，我哋海報係AI做，發現好難搞，花好長時間才滿意，之後我試用AI寫歌，睇吓可唔可以寫首歌畀我太太同個仔，但我發覺係寫唔到歌。」基仔指見到新一代歌手付出好多努力及高低起跌，他們將自己的經歷寫出來，全部是有血有肉，並非任何AI可以做到，希望大家畀支持香港做音樂的歌手們。
最大支柱就是家人
唱畢《人生有幾多個十年》後，基仔稱：「我已經好幾年冇開騷，做咗爸爸之後第一個演唱會，亦係我個仔第一次睇我演唱會，噚日佢有嚟睇我綵排，佢話：『爸爸I want to dance with you.』，跟住佢上咗台，但因為人多，所以兩首歌後媽媽帶咗佢落台，『佢話I'm sad點解要帶我走？』佢今日都坐喺度，我想畀佢感受演唱會聲，你哋一二三幫我嗌一句Kuson，多謝大家 。」隨後基仔唱出《花灑》，他續指無論遇到任何困難及唔開心，最大支柱就是家人，並唱出當晚最後一首歌《愛回家》，唱畢歌迷遲遲不肯離開，大嗌安歌，最後基仔再次出場，唱多兩首歌《 必殺技》及《重複犯錯》，為演唱會畫上完美句號。
完騷後基仔在後台接受訪問，說到相隔4年後再開個唱，他指今次比較特別，因為是新碟的一個延伸，站在舞台上發現自己真的好喜歡唱歌，不過他最意想不到的是兒子也很想上台跟他跳舞。至於之後開騷會否安排囝囝上台，就要視乎囝囝的狀態及意願。
明年便是基仔入行30加3周年，他解釋：「我做咗歌手30年，另外3年係做小演員同主持。（到時粉絲會有驚喜？）我想人哋畀我驚喜。」至於屆時會否再開騷或巡唱慶祝，基仔表示要留待公司正式公布。
他指今次的音樂企劃已完成第一階段，而第二階段就會邀請幾位唱作人為他寫歌。提到有網民質疑為何未有邀請《聲夢》的新人歌手合作？基仔直言合作要講緣分。基仔形容唱《星戰》時的感覺好熱血，他還跟一班合唱的歌手開了個群組，讓大家互相支持及幫助。他說：「我答應佢哋如果有需要，我一定會幫，例如做音樂監製，或者參與佢哋嘅小型音樂會，我都係非常樂意。」
