錫周三修咸頓 恍如隔「細」
英冠開鑼日 巨變後重啟
期待已久，各大主要聯賽即將陸續開鑼，英冠今晚先演首輪獨腳戲！由英甲升班的錫周三，主場迎擊英超降班的修咸頓，變相越兩級挑戰！不過兩軍今夏同樣遭逢巨變，一切重新做起，季前熱身賽所見同樣未Ready，新球季對雙方都似乎來得太早。相信這場揭幕戰早段會互相試探，以穩為先，推介[2.5]入球細。（開賽時間：周六3:00am）
對修咸頓球迷來說，上季是徹底失敗，經過兩度換帥全無起色，於最後12輪聯賽4和8負未贏過，最終包尾降班，結束連續11季征戰英超歷程。球隊今季流失沙列殊、奧斯歷、卡列達卡亞、伊巴謙迪亞路及禾確特等多位主力球員，不過剩餘戰將包括中場禾特普斯、艾卡拉斯等，加上多位已有英超經驗的年輕戰將，在英冠仍屬重量級。球隊聘得前史雲斯教練羅素馬田領軍，前景亦令人樂觀。不過畢竟人腳變動大，新帥新戰術要從頭做起，季前熱身賽只曾一勝，表現及成績都欠理想，今仗陣中幾名正醞釀轉會球星，包括受利物浦追捧的羅美奧拉維亞等料不會上陣。
雙方同換帥 熱身賽未上力
錫周三上季於英甲在戴倫摩亞執教下，聯賽排名第3參戰升班附加賽。附加賽4強於首回合作客落後0:4逆境下，次回合追回失地，再靠互射12碼闖決賽。然後在決賽與班士利苦戰至加時法定時間將結束仍未分勝負，最後補時（123分鐘）絕殺對手升班，給予球迷連番驚喜。可惜升班後3周，戴倫摩亞於6月中旬意外離職，球隊又要等到上月初，才聘得新帥施高穆奴斯接任，令季前備戰工作大受阻延。熱身賽同修咸頓一樣只有一勝，表現仍未上力。
錫周三雖越級挑戰，但主場已保持24戰不敗，當中13場零失球，為迎強敵提升信心；修咸頓上季作客奇差，最後7場作客未贏過。雙方都處於重新起步期，今仗入球不會多。
