眾星抱恙個唱延期 Kelly澳門騷前防病倒
陳慧琳（Kelly）昨日以代言人身份出席保險公司活動，她透露自從上次與大仔一起遇上車禍後，即注意到買保險的重要性：「之前我本身都有買保險，但無買意外同危疾嘅保險，所以上次撞車受傷都無保險賠，現時買咗保險，有事都冇咁肉痛。」Kelly更表示現時也會顧及家人，亦已為小朋友買保險，計劃好了便放心。
Kelly將於9月底在澳門舉行演唱會，但談到鄭秀文因感染新冠病毒，個唱被迫延期，容祖兒亦因感冒，有幾場演唱會要延辦。Kelly聽到即瞪大眼說：「會唔會係新種感冒，我之前都係不停感冒，被迫停咗錄音，延遲晒所有訪問同出歌，其實係阿仔返學，佢感冒傳染咗畀我，之後不停變種，我又不停咁感冒，最後到我染咗新冠，就傳番晒畀屋企人。」
被問到怎樣去預防？Kelly笑說：「我要開始戴十個口罩，攞咪唱歌時要拉開嗌咪，之前做騷，所用嘅咪都係共用，我感染新冠可能就係因為個咪。」會否改用私家咪？她表示私家咪聲不會特別靚，而且每一兩個小時要再設定，故唯有提醒要經常消毒。Kelly眼見Sammi、祖兒個個都病倒，也表示會更加小心：「我咩款式感冒都惹過，病到七彩，又低燒、聲沙，除非又再變種，不好吧！」之後到做電子傳媒訪問，Kelly拿着咪時即小心翼翼，要先消毒才去做訪問。
