空肚遭龔嘉欣餵加碼芥末 張振朗面容扭曲靠牛奶解辣
香港文匯報訊（記者 梁靜儀）張振朗與龔嘉欣昨日到觀塘出席劇集《靈戲逼人》宣傳活動，玩遊戲輸了的振朗被罰食加碼芥末，食到狂飆眼水兼面容扭曲。
振朗與嘉欣昨日聯同江欣燕、謝雪心（心姐）及阮浩棕等出席劇集《靈戲逼人》宣傳活動，一眾演員在台上進行粵劇動作挑戰，由心姐即場教大家大戲做手，眾人都做得有板有眼，最終輸了的振朗及嘉欣被罰食芥末，嘉欣更將加碼芥末餵給振朗食，辣得他狂飆眼水兼面容扭曲，玩大了的嘉欣即遞上清水讓他解辣，但都未能解辣，最後要工作人員為他買牛奶。
事後二人一起受訪，嘉欣即向振朗致歉，振朗未有責怪嘉欣，更稱主要是自己今日空肚出席活動所致：「因為我本身未食嘢就嚟，平時食呢啲都會有嚿飯，唔會只食芥末，所以有少少乸住，好彩冇事，大家可以當我製造效果，自己好精靈，已『翻生』，我哋識咗好耐，平時大家都會互玩，最緊要開心。」嘉欣表示與振朗由幾年前合作《堅尼地愛堅尼地》到之後《愛·回家》，大家認識好耐，振朗好玩得，相信他不會介意。嘉欣又稱振朗今次會唱劇集插曲，原本她為振朗爭取唱主題曲，但是最終失敗，振朗搞笑說：「我驚太多人聽到（耳朵）懷孕。」
自爆孖龔嘉欣拍6個鐘吻戲
二人在戲中有一段人鬼戀，飾演作曲家的振朗更為此苦練鋼琴，更彈得似模似樣，嘉欣更大爆有場戲振朗喊到收唔住聲。談到拍攝最辛苦的一場戲，嘉欣指最辛苦是與振朗在水缸內吊威吔不停旋轉，拍了十幾個鐘，另外又要拍親吻戲長達6個鐘，振朗指拍到(腦)充血，不過出來效果好浪漫，辛苦也是值得的。嘉欣為此劇首次化大戲妝，她指拍攝當日天氣很熱又翳焗，又要紮住腹部，食唔落兼講不到話，為怕溶妝要再補，完全不敢郁動。
阮浩棕劉穎璇拍親密戲冇尷尬
阮浩棕在劇中要唱粵劇，他表示事前要接受相關的專業訓練，跟師父學唱戲、做手及功架，有些場口要以全副大老倌造型上陣：「化大戲妝至少要花一至兩個鐘，仲要戴好重嘅盔頭同要吊眉，不止辛苦，仲有少少反胃。」劇中浩棕跟劉穎鏇（Tiffany）有感情戲，兩人還有親密及接吻鏡頭，不過他表示拍攝時完全不感尷尬：「拍《隱門》係第一次拍接吻戲，今次係第二次，第一次就比較緊張，因為唔知係點，但拍完就發現原來係自己諗多咗，所以今次再拍就完全唔尷尬，大家都好認真工作，好清楚要做乜，今次同Tiffany拍得好順暢。」
