鄧禮迪克服畏高行近天台邊拍MV
香港文匯報訊 歌手鄧禮迪（迪迪仔）日前在大廈天台為新歌《同類》拍攝MV，因他有畏高問題，故由一開始未到天台就叫苦連天話驚驚，直到埋位開始正式拍攝後他居然秒速克服了畏高問題，更全程投入到越行越近天台邊，嚇到身邊工作人員大叫才停止靠近。迪迪仔更笑言：「OK嘅，仲有好多安全空間。」見他非常得戚，似乎完全忘記之前自己畏高的一面。
迪迪仔今次MV其中一個造型是以全身白色服裝示人，再加上不同畫面片段投射在其身上，目的係想帶出世俗人歧視眼光，時常如標籤般投放在別人身上一樣，希望大家反思當中道理。
另問到今次MV服裝造型如何構思，迪迪仔說：「今次真係好感激導演Stone出橋又出衫，今個MV好多服裝都係導演私伙衫，話說自己同造型師都提供咗好多服裝畀導演揀，導演就話不如着我嗰啲啦，可以配合到我嘅構思，又可以省卻搵衫時間，開頭大家都諗會唔會唔啱着？始終大家身高都唔一樣，點知一着上身居然非常之合身。」而今次MV拍攝順利又開心，迪迪仔稱好多謝導演同各位工作人員的協助。
