孖漢陽開騷多甩漏 譚嘉荃甩Bra扣嚇呆
歌手譚嘉荃（Amy）及漢陽前晚假文化中心舉行「滿漢荃席音樂盛宴演唱會」，圈中好友包括薛家燕、敖嘉年及黃翊等現身支持，久未露面的施綺蓮則偕同20歲女兒一起到場。二人率先又唱又跳10分鐘串燒歌向張國榮和梅艷芳致敬，漢陽隨之唱出《親情》，同時送給父親和師傅羅文。期間Amy自爆近日免疫系統出問題，眼部腫了要靠化妝遮掩。漢陽再度出台獻唱，但當唱到《吻別》英語版就忘記歌詞。
完騷後，二人受訪時均嘆氣指演出時發生很多小意外，漢陽之前染疫後失聲，前晚雖成功完騷，但就多次發台瘟，唱《吻別》英文版時提字機又突然故障失靈令他甩嘴：「Amy想殺了我。」Amy半埋怨指在音樂劇中因漢陽甩漏以致多次出現疊聲情況，她是頗為激氣，但亦不滿意自己的表現，因開騷前幾天免疫系統出問題令雙眼腫起，本已不在狀態，她還自爆穿紅色連身裙演出時，一出台胸圍就掉了下來：「我一出場Bra個扣就啪一聲甩咗，右邊跌咗落嚟，講得核突啲係斜咗，我都嚇呆咗，只好縮埋同擰轉背，冇辦法專心唱歌。」在旁的漢陽竟說：「我完全冇留意睇唔到，嘥咗！」
