紐卡素增兵 賀維：非無上限
紐卡素出席來季歐聯形勢大好，來季增兵勢在必行，不過，領隊賀維強調即使下季進軍歐聯，球會增兵絕非無限財力。
賀維道：「唔理發生咩事都好，我哋都唔會有無限嘅資金增兵，我哋都會受到非常嚴格嘅限制，無論喺轉會市場上做啲咩，我哋都要審慎理財。就好似我喺上任後嘅3個轉會操作，我哋都做得好好，所以球隊必須繼續保持落去。」
紐卡素的引援工作將在煞科戰踢罷車路士一役後進行，因此沒得放假，賀維表示：「你不能夠話我要去海灘曬太陽放鬆吓，然後度假一個月才回來。相反，你要立即投入組軍工作，諗吓來季做啲咩才能取得更大嘅成功，並要提升同改進自己，以迎接即將來臨嘅挑戰。」另外，紐卡素今季以前4完成賽季，將會獲得8,000萬鎊獎金。
