黎耀祥自嘲「過氣視帝」
香港文匯報訊（記者 梁靜儀）李思捷主持及監製的第三季《思家大戰》將於本月14日首播，首集嘉賓有由黎耀祥（祥哥）率領的「演祥戲拍檔」隊，成員包括《輕·功》拍檔龔慈恩、朱晨麗、鄭子誠及鄭俊弘，另一隊則是由家庭觀眾John Lo率領的「威士忌大使」隊。
節目開始，思捷便與祥哥展開口水戰，思捷問祥哥：「想問你哋係咪識輕功同練氣功？」祥哥即拋窒他說：「我哋拍過一套劇集叫《輕·功》，你係咪冇睇呀？」思捷停頓數秒後說：「我梗係有睇，集集都有睇。」祥哥不信思捷有睇劇，當場嘲思捷每晚只顧陪女仔。知衰的思捷即拋住書包向視帝祥哥笠高帽說：「你個視帝祥都幾犀利，唔係識輕功，就係做殺手，再唔係就係拳王，咩都畀你擸晒喇喎！」祥哥此時再搞笑回應：「我只係兩個字先做㗎。」全場即起哄嗌「視帝」，祥哥謙稱：「我現在係四個字，過氣視帝！」
到問答環節，其中一條問題是講出一句羅文名曲《激光中》的歌詞，出名模仿羅文神似的祥哥大晒搞笑本色，以羅文腔唱出「光加熱就等於火」，引來全場掌聲。朱晨麗全晚沒有答中過一條問題，思捷問她覺得自己表現如何，朱晨麗竟然自讚說：「出色吖，由第一題就開始中晒。」最終她慘被噓爆。
