多口仔挑機 占士冇佢符
渣哥缺陣 灰熊照贏湖人
不老大帝都會英雄遲暮？NBA季後賽西岸二號種子灰熊昨晨在主場迎戰湖人，進行首圈第二回合，雖然有「渣哥」莫蘭特因手傷缺陣，但灰熊上下一心打出好表現，最終以103:93贏波，總場數追和1:1。灰熊今場最出位並非攻入22分的奇兵迪爾文，相反是全場防守兼不斷挑釁「大帝」勒邦占士的「多口仔」迪隆布魯克斯，賽後迪隆更寸爆表示：「佢老喇，我唔驚佢囉！」
除了開賽先入波，湖人今場全場都處於落後狀態。灰熊大軍在賽前一小時才確認「渣哥」手傷未癒，被迫缺陣，但頂替出任控衛的泰奧斯鍾斯卻交出了10分8助攻的穩定表現，加上「三年生」迪爾文爆發攻入22分，在全隊共六人得分上雙情況，灰熊終輕鬆取勝。
勒邦占士今場交出全場最多的28分，另加12籃板，然而其正負值卻是全場最差的-17，未能發揮在球場的統治力。他賽後點名讚賞泰奧斯鍾斯：「其實有冇莫蘭特喺度都好，佢哋都唔會迷失節奏。泰奧斯擔正，危險！莫蘭特擔正，一樣危險！我哋都唔會改變應對態度。」可是，占士今場發揮始終未如人意，尤其在比賽途中，更不斷被防守他的迪隆騷擾，忙於攻守之外，又忙着互噴垃圾話。
寸爆大帝老退戰力減
過去已經多次挑釁其他球隊王牌球星的迪隆，賽後受訪寸爆說：「佢老喇，我唔驚佢囉！我都好期待之後幾場繼續鬥寸。佢嘅水平同以前喺熱火及騎士嗰陣已經唔同，我都想防守以前嘅佢，應該會難好多囉！佢係個特別嘅球員，好唔鍾意畀人撞，但季後賽就係有肢體接觸，會令佢心煩意亂。我會喺成個系列賽同佢鬥磨，睇佢頂唔頂得住。」
湖人今場都有八村壘攻入20分，奧斯甸李華士則有13分，但整體發揮欠佳，最終4連勝斷纜。至於灰熊的「渣哥」能否在第3場復出，則仍有待了解復元進度。
