馬明皮膚變好 全靠「靚湯」滋潤
林夏薇分享Deep V照派福利
馬國明、林夏薇（薇薇）、張頴康、黃嘉樂、蔣祖曼、陳少邦及容天佑等，昨日到油塘出席劇集《法言人》宣傳活動，監製劉嘉豪即場宣布劇集播映一星期，成為九點半劇集首集收視冠軍的喜訊。現場一眾演員又重演劇集的情節，劇中薇薇被陳少邦淋紅酒侮辱，活動上薇薇以牙還牙，用紅酒照頭淋陳少邦；另外馬國明被眾人抬起向容天佑起飛腳。
馬明近期主演的兩個劇集都有高收視，說到高收視的劇集都被他霸晒？他說：「仲係四月啫，（霸落去？）播埋呢套我就冇劇播，要等《NEWS新聞女郎》，好難霸。」近期忙拍劇及宣傳的他雖然消瘦了，但皮膚卻好了，他自爆全靠未婚妻湯洛雯的湯水滋潤，更大讚靚湯最拿手煲藥材湯，問到藥材湯是否幫助生育？他笑說：「家姐生咗兩個小朋友，父母一早有孫抱，我都冇壓力，（想唔想結婚當日雙喜臨門？）正常應該就唔會，不過有都無所謂，隨緣啦，最緊要開開心心。」
何依婷不介意拍激情戲
薇薇近日分享出海泳照，她略嫌自己有點幸福肥：「父母新年前已經嚟咗香港，日日都有湯水飲，媽咪要槽肥我。我肥咗6公斤，不過好開心，今年可以陪爸爸慶祝70大壽，當日同好多朋友一齊出海，因為已經6年冇見爸爸，大家都玩得好開心。（父母有孫抱會更開心？）自己冇呢方面嘅壓力，好自由。」
何依婷被問到在劇中可有俾人糟質？她表示自己是個幸福的女仔，不用被人糟質，但其角色會患重病，會與丁子朗患難見真情。她指二人會有浪漫拍拖戲，問到可有親熱戲？她表示都是蜻蜓點水。笑問她現受公司力捧，是否不能拍太親熱的戲分？她認為一個專業的演員是不能因怕醜而不演，之前她都試過拍過一些激情戲，主要都是睇劇情而定，而她今次是飾演一個單純秘書，想激情都不能。
另外，去年成為全城熱話的「百大俊男美女」選舉，今年再接再厲，日前曝光的初選入圍名單，莊鍶敏亦榜上有名。對於入圍「百大美女」候選名單，她表示高興，當得悉粉絲要課金才可投票，她說：「咁我寧願佢哋捐錢做善事，有意義啲，平時收睇我演出嘅劇，呢種支持實在啲，大個啲就買我嘅產品。」她又透露5月初會到泰國做帶貨，身邊好友已叫定她幫手買船麵、芒果糯米飯同護膚品，笑言順道做代購，應該會滿載而歸。
