負傷錄影《獎門人》 陳法蓉想與黃宗澤傳紫菜
陳法蓉、陳星妤（前名陳聖瑜）、傅嘉莉、莊鍶敏及蔡潔等前晚錄影《獎門人ILove 媽媽感謝祭》，當晚全女班上陣，連獎門人曾志偉及4位獎老亦反串扮成卡通角色。
陳法蓉與陳星妤代表劇集《一舞傾城》應戰，陳法蓉當晚更負傷上陣，「我喺屋企唔小心撞埋牆壁，撞爆右腳腳趾，初時都唔為意，但越嚟越痛，成隻腳趾瘀黑晒，睇醫生照X光先知原來骨裂，所以今晚上節目都唔敢着涼鞋，驚俾人踩到隻腳趾。」她又謂最驚玩傳紫菜環節，但卻笑問：「今晚有冇靚仔？有冇黃宗澤？（今晚全女班冇靚仔好失望？）唔失望，全女班都好。」
陳星妤表示改名是因身體健康問題，而改名後身體都比之前好了。提到新劇《一舞傾城》將於5月15日播出，陳法蓉表示已6年未有劇集在TVB播映，劇中她飾演媽媽生，戲外亦是一班女仔的大家姐，她們有關生活、感情問題，甚至初夜給誰，她都會給予意見。陳星妤在劇中分別與王俊棠及關楚耀有強姦和初夜戲，幸好得到陳法蓉提點及分享心得，拍攝總算順利。
