聘半職或時薪車長 紓人手短缺
香港社會復常後，不同行業均面對人手短缺問題。九巴行政總監許鎮德在接受訪問中表示，九巴及同集團的龍運巴士目前共有約1.3萬名員工，將繼續積極招聘人手，同時維持薪酬待遇的競爭力，確保有足夠人手提供穩定的公共交通服務。對不同行業都提出輸入外勞的呼聲，他形容九巴對此持開放態度，只要社會對輸入外勞有共識，並平衡各方利益，九巴會積極考慮。
招請五天工作車長
在九巴及龍運的1.3萬員工中，大部分為前線人員，包括超過9,700名車長、1,400名維修人員，工資成本佔總營運開支的近六成。目前，九巴同樣面對人手不足問題，「前線同事如一啲督察同站長，我哋差唔多短缺超過一成人手。車長就無咁多問題，因為都浮動，有時走有時嚟，暫時雖然都係唔夠，但我哋靈活調配，勉強可以迎合營運需要，當然可能有特定班次會有一啲同事超時，如果唔係做唔到。」
他強調，九巴已積極改善員工待遇，「好似招請五天工作嘅車長，佢哋可以就到屋企同有家庭生活，另外會請半職車長以及一啲時薪車長等，我哋都好多新猷。」
許鎮德坦言，最重要是維持較合理的薪酬待遇，才可在本地勞工市場維持競爭力，而去年已加薪3.5%，相信今年亦會有加薪壓力。
對外勞持開放態度
對輸入外勞的問題，他指九巴持開放態度，「我哋持一個開放態度，總之有方案如果可以吸引到員工加入運輸業，一定要平衡各方面利益，同埋社會有共識呢，咁我哋就好歡迎同埋會積極考慮。」
被問及非本地員工擔任車長會否有問題時，許鎮德表示，去年成立的九巴學院為有意成為車長的人士提供培訓課程，屬資歷架構下第三級別，維修人員的課程則屬資歷架構第二級別，「對我哋嚟講係一個新里程碑。有專業訓練，歡迎不同人士加入我哋大家庭。其實（成為車長）有兩關，首先運輸署畀牌你先，另外我哋亦有路面測試呢一關，出到去一般嚟講都冇問題，因為係專業嘅車長，等於境外人士嚟考私家車牌一樣無分別，考到就得。」
